يا ابن بلدى مالك فيك ايه؟!!!

يا ابن بلدى مالك فيك ايه؟
زعلان و متضايق كده ليه؟
دى عيشتك مية مية
لا تقولى باشا ولا أجدع بيه
الشوارع واسعة على الأخر
ولا زحمة ولا حد يقولك أتاخر
و فى مواصلاتك عامل أبونيه
يا أبن بلدى مالك فيك ايه؟
ده رغيف العيش أبيض و كبير
و لا فيه زحمة ولا عليه طوابير
و لا ضرب و ناس تقع و تطير
و فى أى وقت تحتاجه تلاقيه !!!!
قولى بقى زعلان من ايه؟
و لا فيه اعتصام و لا فى اضراب
و ما تقولش بطالة بين الشباب
دى الأشغال بتنادى عليهم
و شوية و حتبوس ايديهم!!!!
عشان يخبطوا عليها الباب
ما تقولى بقى تعبان من ايه؟
ده الابن بار يا عمى بأبوه
و لا يمكن يقتل ابدا أخوه
أصل أخلاقنا كبرت و عليت
و الناس عنها فى يوم ما أتخلت !!!!!!
مالك بقى تعبان من ايه؟
أوعى تقولى ارتفاع أسعار
و الحياة مولعة نار
و مستقبلنا خلاص انهار
و واقفين نتفرج عليه
و لا نافع علم و لا شهادات
و أهم حاجة هى الكاشات
تعمل من النصابين أحلى البشاوات
ما تقولى بقى مالك فيك ايه ؟!!!!!
ده الضعيف بيكرموه !!!!
و لا يمكن بالجزمة يشوطوه
و لا حتى على قفاه يدوه
لا طبعا بيعاملوه بيه!!!
يوووه يا ابن بلدى مالك فيك ايه؟
بصراحة أنت تعبتنى
و بمشاكلك زهقتنى
حقولك ايه ولا ايه

مشكووووووووووووووووورر

مشكوووووووووووووووووووووورر

ههههههههههههههه

شكراااااااااا